17-nji iýunda Türkmenistanyň prezidenti Serdar Berdimuhamedow Gazagystana resmi sapary amala aşyrýar. Ol Astanada geçirilýän “Merkezi Aziýa – Hytaý” görnüşindäki ikinji sammite gatnaşar.
Berdimuhamedowy Astananyň aeroportynda gazak premýer-ministri Olžas Bektenow we beýleki resmiler garşylady.
16-njy iýunda sammite gatnaşmak üçin Hytaýyň ýolbaşçysy Si Jinpingiň hem gelendigi habar berildi. Ony Gazagystanyň prezidenti Kasym-Žomart Tokaýew garşylady.
“Merkezi Aziýa – Hytaý” ilkinji sammiti 2023-nji ýylyň maýynda Hytaýyň Sian şäherinde geçirilipdi.